Prokuroria Themelore Publike për Ndjekjen e Krimit të Organizuar dhe Korrupsionit, në bashkëpunim me Ministrinë e Punëve të Brendshme, ka zhvilluar një aksion të gjerë në Maqedoninë e Veriut për të hetuar keqpërdorimet në sektorin e kultivimit të kanabisit mjekësor. Aksioni u intensifikua pas sekuestrimit të pesë tonëve marihuanë në Serbi, për të cilën dyshohet origjinë maqedonase.
Sekuestrimet janë kryer në Shkup dhe rajonin e Strumicës. Në Shkup janë sekuestruar mbi 9 ton marihuanë dhe rreth 1.300 shishe vaj kanabisi nga një person juridik. Në rajonin lindor janë sekuestruar mbi 31 ton marihuanë nga subjekte të tjera juridike, duke arritur në total rreth 40 ton.
Nga 60 licenca të lëshuara për kultivimin e kanabisit mjekësor, 16 janë revokuar për keqpërdorime të konstatuara. Aktualisht nuk ka persona të dyshuar ose të arrestuar. Prokuroria po merr në pyetje dëshmitarë dhe po bashkëpunon me Prokurorinë serbe për shkëmbim informacionesh, me qëllim përcaktimin e lidhjeve të mundshme.
Kryeministri Hristijan Mickoski ka deklaruar se nuk ka të dhëna që marihuanës së sekuestruar në Serbi t’i përkasë origjina nga Maqedonia e Veriut. Qeveria ka paralajmëruar kontroll në të gjitha fabrikat e kanabisit mjekësor dhe harmonizim të akteve nënligjore me ligjin.
Hetimet vazhdojnë për zbardhjen e plotë të rasteve, me rezultate që pritet të publikohet pas përfundimit të procedurave.