Rexhep Selimi, ish-udhëheqës i UÇK-së, mbajti fjalën përfundimtare të mërkurën në Dhomat e Specializuara të Kosovës në Hagë.
Para trupit gjykues, Selimi theksoi se historia e Kosovës nuk mund të rishkruhet në një sallë gjyqi. Ai deklaroi se Serbia kurrë nuk e fshehu qëllimin e saj ndaj shqiptarëve dhe shtroi pyetjen: "Çfarë duhet të bënim ne? Të prisnim radhën për t’u vrarë, apo të iknim nga shtëpitë tona?"
Selimi u shpreh se UÇK-ja nuk u krijua nga dëshira, por nga nevoja. "Për mua, të qenit bashkëluftëtar i Adem Jasharit është nderi më i madh. Po, kam bartur armë. Armët për ne ishin mbijetesë. UÇK-ja nuk kishte qëllim tjetër përveç lirisë. UÇK-ja ishte ushtri çlirimtare", tha ai.
Ai u shpreh i bindur se kanë bërë gjënë e duhur. "Edhe sot do ta bëja të njëjtën gjë. Prandaj na mbështeti NATO-ja", përfundoi Selimi.
Përditësime
Rexhep Selimi kritikoi Prokurorinë për pretendime të pabazuara dhe ngarkim të padrejtë të Shtabit të Përgjithshëm të UÇK-së. Prokuroria pretendon se Shtabi mbështeste pavarësinë, jo autonominë, dhe mohon ekzistencën e partive që kërkonin autonomi nën Serbi. Ajo kërkon dënime të rënda për të penguar kthimin e të akuzuarve në Kosovë, por Selimi deklaroi se do të kthehet i lirë. Ai theksoi se UÇK nuk ishte parti politike, por ushtri çlirimtare që do të vazhdonte luftën nëse nuk ndalej në 1999. Selimi kërkoi vendime të bazuara në prova, jo pretendime, dhe falënderoi ekipet e mbrojtjes si dhe bashkëqytetarët.
Rexhep Selimi deklaroi në Hagë se ndihet "me fat që kam bërë diçka të mirë për vendin tim".
Ai shtoi: "Kurdo që të kthehem, do të kthehem në një Kosovë të lirë".
Selimi reflektoi mbi kaosin, frikën dhe dhimbjen gjatë luftës, duke thënë se drejtësia lëndon viktimat sërish.
"Drejtësia duhet të na kthejë në atdhe", nënvizoi ai.
Serbia akuzon për spastrim etnik dhe gjenocid.