Udhëheqësi i shumicës në Senatin amerikan, John Thune, bëri të ditur se sanksionet ndaj Iranit janë përfshirë në projektligjin e pezulluar për sanksionet ndaj Rusisë. Thune theksoi se ekziston një dakordësi e gjerë për këtë hap, duke shtuar se sanksionet ndaj Teheranit kanë qenë pjesë e politikës amerikane për më shumë se tri dekada.
Sipas Thune, ligjvënësit demokratë po shqyrtojnë ndryshimet, ndërsa po punohet për të arritur një marrëveshje dypalëshe mbi kohën e votimit përpara se Kongresi të nisë pushimet. “Kam zhvilluar biseda me demokratët dhe me kolegët në anën tonë dhe mendoj se po e finalizojmë këtë çështje”, u shpreh ai.
Përfshirja e Iranit në këtë projektligj vjen pas kërkesës së presidentit Donald Trump. Përmes një postimi në platformën Truth Social, Trump deklaroi se ky veprim nderon trashëgiminë e senatorit të ndjerë Lindsey Graham, duke e cilësuar si një nismë që ai dëshironte ta ndërmerrte.