Presidenti i Shteteve të Bashkuara, Donald Trump, u ka bërë thirrje përfaqësuesve republikanë në Kongres që ta përfshijnë Iranin në projektligjin për sanksionet ndaj Rusisë, i cili është aktualisht në shqyrtim.
Përmes një postimi në platformën e tij Truth Social, kreu i shtetit amerikan theksoi: “Republikanët duhet ta përfshijnë Iranin në projektligjin për sanksionet ndaj Rusisë.”
Kjo kërkesë vjen në një kohë kur në Kongres po zhvillohen diskutime për një paketë të re sanksionesh kundër Rusisë, në përgjigje të luftës së vazhdueshme në Ukrainë. Njëkohësisht, administrata amerikane synon të intensifikojë presionin ndaj Iranit përmes masave të reja politike dhe ekonomike.