Paolla Petriq, drejtoreshë e Zyrës së Fondacionit Heinrich Boll Stiftung në Sarajevë, vlerëson se Ballkani mbetet zonë ndikimi për Rusinë, por përgjegjësia për aleancat u takon elitave lokale.
Serbia, si kandidate për anëtarësim në Bashkimin Evropian, nuk ka vendosur sanksione ndaj Rusisë pas pushtimit të Ukrainës. Kjo sjellje rrezikon procesin e integrimit evropian, që kërkon harmonizim të politikës së jashtme me Brukselin.
Në qershor të vitit 2025 Shërbimi i Inteligjencës së Jashtme të Rusisë akuzoi Beogradin se armët e prodhuara në Serbi, përmes vendeve të treta, përfundonin në duart e forcave ukrainase. Montimi dhe mbushja e municionit kryheshin kryesisht në Çeki dhe Bullgari.
Drejtoresha e Qendrës për Edukim Qytetar nga Podgorica, Dalliborka Ulareviq, thekson se Rusia nuk ka shumë alternativa në Ballkan dhe për këtë arsye toleron veprime që në rrethana të tjera nuk do t’i pranonte.