Serjan Mazrreku u emërua drejtor i ri i burgut të Durrësit. Ai zëvendëson Edmond Llabanin, i cili kishte qenë i komanduar në këtë detyrë që nga 15 janari dhe ndërroi jetë në fillim të këtij muaji pas një sëmundjeje të rëndë.
Prezantimi i Mazrrekut u bë nga Adriatik Kupi, në kuadër të ndryshimeve në drejtimin e institucioneve të vuajtjes së dënimit. Mazrreku ka përvojë në administratë dhe fushën ligjore. Ai ushtron profesionin e avokatit dhe është anëtar i këshillit drejtues të Portit të Durrësit. Më parë, ka drejtuar për rreth 8 vite Njësinë Administrative nr. 6.
Në aspektin politik, Mazrreku lëvizi në vitin 2021 nga Partia Socialiste te Partia Demokratike, por më pas u rikthye në angazhime të lidhura me Partinë Socialiste gjatë zgjedhjeve të fundit.
Dorëheqja e Ilir Ngresit
Në një zhvillim tjetër, Ilir Ngresi dha dorëheqjen nga posti i drejtorit të Inspektoratit të Mbrojtjes së Territorit (IMT), pak muaj pas emërimit. Sipas burimeve, largimi ndodhi për arsye personale, pa dhënë detaje të tjera.
Përditësime
- Erjon Qosja, kreu i IKMT-së, dha dorëheqje për arsye personale.
- Korrigjim: Edmond Llabani ndërroi jetë më 19 janar nga hemorragji cerebrale.
- Para Llabanit, drejtimin e burgut të Durrësit e mbante Indrit Cerloi, i arrestuar pas arratisjes së Altin Ndocit