Vizita e Presidentit të Republikës së Shqipërisë, Bajram Begaj, në Luginën e Preshevës është vlerësuar nga deputeti shqiptar në Parlamentin e Serbisë, Shaip Kamberi, si një ngjarje me rëndësi të veçantë për shqiptarët e kësaj treve.
Në një reagim publik, Kamberi theksoi se prezenca e kreut të shtetit shqiptar shërben si një mesazh i qartë për përkushtimin institucional të Shqipërisë ndaj bashkëkombësve. Sipas tij, kjo vizitë konfirmon mbështetjen për ruajtjen e identitetit, avancimin e të drejtave dhe zhvillimin e komunitetit shqiptar në këtë rajon.
Duke e falënderuar presidentin Begaj për këtë vizitë, Kamberi e cilësoi qëndrimin e kreut të shtetit si një sinjal të fortë për shqiptarët e Luginës.