Shtetet e Bashkuara kanë akuzuar Kinën se ka kryer në fshehtësi të paktën një test bërthamor që prodhoi shpërthim gjatë viteve të fundit, pavarësisht moratoriumit zyrtar për testet e tilla. Akuza u ngritën gjatë një fjalimi të Thomas DiNanno, nënsekretar i Shtetit për kontrollin e armëve, në një konferencë për çarmatimin në Gjenevë.
DiNanno deklaroi se Kina ka përdorur teknika për të fshehur shenjat e shpërthimeve bërthamore, duke maskuar aktivitetet për të shmangur zbulimin nga monitorimi ndërkombëtar. Ai specifikoi se testi u krye më 22 qershor 2020.
Përgjigjja e Kinës
Autoritetet kineze i kanë hedhur poshtë akuzat, duke thënë se SHBA-ja po paraqet një narrativë të shtrembëruar dhe se ato janë të pavërteta.
Konteksti ligjor
Kina është nënshkruese e Traktatit të Ndërprerjes së Testeve Bërthamore, por nuk e ka ratifikuar atë, ashtu si Shtetet e Bashkuara.
Raportohet se Kina po zgjeron arsenalin e saj bërthamor, duke ndërtuar fusha të reja me silo për raketa dhe duke zhvilluar teknologji të avancuara ushtarake.