Shtetet e Bashkuara kanë ndaluar një anije tjetër cisterne nafte me flamur iranian në një operacion të udhëhequr nga Komanda Qendrore Amerikane (CENTCOM).
Sipas njoftimit zyrtar, marinsat amerikanë nga 31st Marine Expeditionary Unit hipën në anijen M/T Celestial Sea në Gjirin e Omanit pasi dyshohej se ajo kishte tentuar të shkelte bllokadën detare të vendosur nga Uashingtoni ndaj Iranit.
Forcat amerikane pas kontrollit e liruan anijen dhe i urdhëruan ekuipazhit të ndryshonte kursin. Operacionet për zbatimin e bllokadës vazhdojnë dhe deri tani janë devijuar 91 anije tregtare për të siguruar respektimin e saj.
Ngjarja ndodh në një periudhë tensionesh të rritura në rajon, ku kufizimet ekonomike ndaj Iranit po shtohen.