Komanda Qendrore Amerikane (CENTCOM) ka publikuar një video ku shihen bombarduesit stealth B-2 duke u ngritur për një mision në Iran, në kuadër të Operacionit Epic Fury.
Autoritetet e Pentagonit njoftuan se avionët ofrojnë fuqi zjarri me rreze të gjatë veprimi, për të neutralizuar kërcënimin që paraqet regjimi iranian sot dhe për të shkatërruar aftësinë e tij për t’u riorganizuar në të ardhmen.
Presidenti Donald Trump ka përditësuar zhvillimet e operacionit ushtarak amerikano-izraelit. Ai foli në një telefonatë në Fox News të premten, duke thënë se SHBA mund ta kishin shkatërruar plotësisht infrastrukturën e Iranit, por po sillemi me edukatë.
Trump u shpreh: “Po sillemi me edukatë. Mund të shkatërroj gjëra brenda orës së ardhshme, termocentrale, impiante shkripëzimi kudo. Mund të bëjmë gjëra aq shkatërruese saqë ata nuk do të mund të rindërtoheshin kurrë si komb. Po përpiqemi të jemi të edukuar. Ata do të dalin dhe do të qëllojnë civilët kudo, por ne nuk e bëjmë këtë**”.
Postimi në Twitter të CENTCOM shoqërohet me mbishkrimin: “B-2 stealth bombers takeoff to conduct a mission during Operation Epic Fury, delivering long-range fire to not only eliminate the threat from the Iranian regime today, but also eliminate their ability to rebuild in the future.”