SHBA publikon listën e armëve të përdorura në sulmet ndaj Iranit

SHBA kanë ndërmarrë sulme të drejtpërdrejta ndaj Iranit në bashkëpunim me Izraelin, në atë që konsiderohet si një nga dislokimet më të fuqishme ushtarake amerikane në Lindjen e Mesme në dekada. Sulmet u zhvilluan pas paralajmërimit të presidentit Donald Trump, i cili deklaroi se SHBA ishin të përgatitura. Komanda Qendrore e SHBA-së (CENTCOM) publikoi listën e armëve të përdorura në përballjen me Iranin, në kuadër të Operacionit Epic Fury.

Para nisjes së sulmeve, SHBA përqendroi bombardues strategjikë, anije me raketa të telekomanduara dhe sisteme mbrojtjeje ajrore në rajon. Sipas njoftimeve nga burime të ndryshme, operacioni çoi në vrasjen e udhëheqësit suprem të Iranit.

Lista e armëve përfshin:

• Bombarduesit e fshehtë B-2 Spirit, të pilotuar nga dy persona, të nisur nga Baza Ajrore Whiteman në Misuri. Këtë herë ata përdorën bomba prej 2.000 paundësh për të goditur instalimet e raketave balistike iraniane, ndërsa në misionin e qershorit të kaluar përdorën depërtues masiv prej 30.000 paundësh kundër komplekseve bërthamore.
• Raketat sulmi tokësor Tomahawk, të lëshuara nga anije luftarake si shkatërruesi USS Thomas Hudner.
• Dronët njëkahësh LUCAS, që shënojnë përdorimin e parë në luftime nga SHBA.
• Sistemet e mbrojtjes ajrore Patriot dhe THAAD, të dislokuara për të neutralizuar kundërpërgjigjet raketore iraniane.
• Anije luftarake të klasit Arleigh Burke, si dhe transportuesit e aeroplanëve USS Abraham Lincoln në Detin Arabik dhe USS Gerald R. Ford në Mesdhe pranë Izraelit.

Irani pretendon se ka goditur anijen USS Abraham Lincoln me raketa balistike, por CENTCOM e ka cilësuar këtë si "gënjeshtër". Operacioni shënon një përshkallëzim të përplasjes midis SHBA dhe Iranit, me përdorimin e teknologjisë më të avancuar ushtarake të Pentagonit.