Të dielën, më 29 mars 2026 rreth orës 15:00, në rrugën Malush Kosova të Prishtinës ndodhi shembje e dheut. Kjo ngjarje bëri rrugën e pakalueshme dhe vështirësoi qarkullimin e qytetarëve në atë zonë.
Sipas raportit 24-orësh të Policisë së Kosovës, ngjarja u cilësua si "Shkaktim i rrezikut të përgjithshëm". Lidhur me rastin, në cilësinë e të dyshuarit u intervistua një mashkull kosovar.
"Prishtinë 29.03.2026, 15:00. Është raportuar për shembje të dheut, ku si pasojë rruga është bërë e pakalueshme. Lidhur me rastin në cilësinë e të dyshuarit është intervistuar i dyshuari mashkull kosovar dhe me vendim të prokurorit është liruar në procedurë të rregullt", thuhet në raportin policor.