Sot, më 31 mars 2026, shënohen 27 vjet nga masakra në fshatin Pastasellë të Komunës së Rahovecit, e ndodhur gjatë luftës në Kosovë në vitin 1999.
Në këtë ngjarje, forcat serbe vranë 106 persona nga Pastasellë dhe fshatrat përreth. Të vrarët u djegën pas vrasjes. Nga masakra mbijetuan 13 persona.
Edhe pas 27 vjetësh, disa familjarë kërkojnë kthimin e trupave të të afërmve të tyre, të cilët figurojnë si të pagjetur.
Deri tani, nuk është dënuar asnjë serb për vrasjen e 106 personave në fshatin Pastasellë.
Përditësime
Numri i mbijetuarve nga masakra në Pastasellë të Rahovecit korrigjohet në 14 dëshmitarë, jo 13 siç raportohej më parë. Dy dëshmitarë dëshmuan në Gjykatën e Hagës, ku dëshmitë e tyre ishin thelbësore për dosjet kundër udhëheqjes serbe, duke çuar në dënime individuale dhe duke vërtetuar fushatën sistematike të terrorit etnik në Kosovë.