Sot përkujtohet 35-vjetori i rrëzimit të bustit të diktatorit Enver Hoxha në Sheshin Skënderbej të Tiranës. Më 20 shkurt 1991, mijëra qytetarë u ngritën për të shembur simbolin e komunizmit, pak muaj pasi regjimi kishte lejuar pluralizmin politik.
Rrëzimi u nxit nga greva e urisë e ndërmarrë nga disa qindra studentë, të cilët kërkonin heqjen e emrit të Hoxhës nga universiteti. Revoltat popullore kishin nisur me protestat studentore në fund të dhjetorit 1990 dhe u shpërndarë në qytetet e tjera të vendit.
Ngjarja ndodhi në një periudhë të tensionuar politike, vetëm dy muaj pas themelimit të Partisë Demokratike dhe pak para zgjedhjeve të para pluraliste më 31 mars 1991. Busti u rrëzua me dhunë dhe u tërhoq zvarrë, duke shërbyer si akt simbolik i fundit të diktaturës komuniste në Shqipëri.
20 shkurti është caktuar si Dita e Kujtesës Kombëtare për martirët dhe viktimat e regjimit komunist. Pamjet e momentit bënë xhiron e botës dhe vendosën Shqipërinë në vëmendjen ndërkombëtare.