Shërbimi Sekret i Shteteve të Bashkuara reagoi pas një incidenti me armë gjatë një eventi të zhvilluar më 26 prill 2026, ku ishte i pranishëm presidenti Donald Trump.
Në një deklaratë zyrtare, zëvendësdrejtori Matthew Quinn theksoi se ndërhyrja e shpejtë e agjentëve parandaloi një situatë më të rëndë. "Sonte, një frikacak tentoi të shkaktojë një tragjedi kombëtare. Ai nënvlerësoi kapacitetet mbrojtëse të Shërbimit Sekret të SHBA-së dhe u ndalua në kontaktin e parë", thuhet në deklaratë.
Sipas Quinn-it, sistemi i sigurisë me shumë shtresa funksionoi sipas parashikimeve, ndërsa masa të tjera mbrojtëse ishin ende në dispozicion. Ai vlerësoi forcën e këtij sistemi, që garantoi sigurinë e të pranishmëve dhe parandaloi përshkallëzimin e incidentit.
Deklarata nënvizon bashkëpunimin e ngushtë mes agjentëve të Shërbimit Sekret dhe forcave të tjera të rendit. Quinn falënderoi burrat dhe gratë e guximshme të këtyre strukturave për profesionalizmin e treguar në menaxhimin e situatës.
Përditësime
Secret Service konfirmoi përmes tweet-it të @SecretSvcSpox më 26 prill 2026 se ngjarja ndodhi në White House Correspondents' Dinner. Tweet-i shoqërohet me foto.