Një konflikt mes disa të rinjve u regjistrua në qytetin e Korçës, në lagjen nr. 2, në afërsi të kinemasë së qytetit.
Të rinjtë u përplasën fizikisht duke u goditur me grushte, ndërsa dyshohet se u përdorën edhe sende të forta.
Si pasojë, një person mbërriti në spital me dëmtime trupore. Ai u godit dhe më pas u rrëzua në kangjella, duke pësuar çarje. Mjekët thonë se ndodhet jashtë rrezikut për jetën dhe po merr kujdesin e duhur.
Forcat e policisë mbërritën menjëherë në vendngjarje, por të rinjtë e përfshirë kishin larguar. Grupi hetimor po sekuestron pamjet e kamerave të sigurisë në bizneset përreth dhe po merr në pyetje dëshmitarët e mundshëm.
Hetimet vazhdojnë për zbardhjen e plotë të rrethanave.
Përditësime
Policia e Shtetit konfirmoi se një 17-vjeçar është plagosur me thikë në incidentin në Korçë. Një shtetas është shoqëruar në Komisariatin e Korçës për procedurë.