Mbrëmjen e sotme, rreth orës 20:30, në oborrin e një mobilerie në Nikël, Fushë-Krujë, ka ndodhur një konflikt i çastit për motive të dobëta, që ka lënë të plagosur dy vëllezër.
Sipas njoftimeve të policisë, shtetasit Ardian Xheka dhe Gazmir Xheka dyshohen se kanë goditur me mjet prerës shtetasit Ronald Caca, rreth 31 vjeç, dhe Halil Caca, rreth 23 vjeç.
Të dy të plagosurit janë transportuar në spital dhe ndodhen nën kujdesin e mjekëve. Grupi hetimor ndodhet në vendngjarje dhe, nën drejtimin e Prokurorisë, po punon për sqarimin e rrethanave dhe dokumentimin ligjor të rastit.
Shërbimet e policisë kanë shpallur në kërkim Ardian Xhekan dhe Gazmir Xhekan, ndërsa vijojnë kontrollet për kapjen e tyre.