Mbrëmjen e 10 marsit 2026, rreth orës 20:30, në qytetin e Bulqizës, pas një konflikti të çastit, fizikisht u përplasën shtetasit Q. B., A. T. dhe D. H.. Të tre u shoqëruar menjëherë nga shërbimet e Policisë në ambientet e Komisariatit të Policisë Bulqizë për sqarimin e rrethanave.
Rreth orës 21:00, në ambientet e jashtme të një lokali, u mblodhën familjarët e personave të shoqëruar. Në këtë moment, shtetasit J. C. dhe Y. Sh. u konfliktuan fizikisht me shtetasit R. D., A. K. dhe R. T..
Si pasojë e këtij konflikti, shtetasit R. D., A. K. dhe R. T. mbetën të plagosur, dyshohet me mjete prerëse. Ata u transportuan fillimisht për ndihmë mjekësore në Bulqizë dhe më pas drejt Tiranës për trajtim të specializuar në spitalin e Traumës.
Sipas burimeve, të plagosurit janë Renaldo Dauti (22 vjeç), Adhurim Koçi (26 vjeç) dhe Fluturim Tolle (26 vjeç), me një prej tyre në gjendje të rëndë.
Shërbimet e Policisë po krehin zonën për kapjen e dy autorëve të dyshuar, J. C. dhe Y. Sh.. Grupi hetimor ndodhet në vendngjarje dhe punon për zbardhjen e plotë të rrethanave, sipas njoftimit zyrtar.
Përditësime
Policia e Shtetit konfirmoi detajet e reja të përplasjes në Bulqizë:
• Konflikti filloi në një lokal.
• Përplasja e dytë ndodhi para komisariatit të policisë.
• U përdorën thika.