Një ngjarje e rëndë është regjistruar mbrëmjen e djeshme në zonën e ish-Parkut të autobusëve në Tiranë, ku një konflikt midis tre personave ka përfunduar me përdorimin e një arme të ftohtë (thikë).
Si pasojë e përplasjes, njëri prej tyre ka mbetur i plagosur. I dëmtuari është dërguar menjëherë drejt spitalit për të marrë ndihmën e nevojshme mjekësore dhe, sipas informacioneve paraprake, ai ndodhet jashtë rrezikut për jetën.
Forcat e Policisë kanë mbërritur në vendin e ngjarjes për të kryer veprimet hetimore. Deri në këto momente, motivet e këtij konflikti mbeten ende të paqarta, ndërsa autoritetet janë duke punuar për sqarimin e rrethanave të plota të ngjarjes dhe identifikimin e personave të përfshirë.