Sheshi Skënderbeu në Prishtinë është gati për marshin "Drejtësi, jo politikë", i cili zhvillohet sot dhe organizohet nga platforma "Liria ka Emër".
Organizatorët kanë paralajmëruar një pjesëmarrje masive, që sipas tyre mund të tejkalojë 200 mijë qytetarë nga të gjitha trevat shqiptare. Marshi synon të shprehë qëndrimin kundër procesit gjyqësor ndaj ish-krerëve të UÇK-së dhe cilësohet si tubim paqësor dhe gjithëpërfshirës, me mesazhin kryesor për drejtësi të paanshme.
Programi përfshin aktivitete muzikore si dhe fjalime nga përfaqësues të kategorive të ndryshme të shoqërisë:
- sindikata,
- artistë,
- mësimdhënës,
- mjekë,
- përfaqësues të bashkësive fetare.
Një aksion simbolik parashikohet tek monumenti NEWBORN.
Për mbarëvajtjen e tubimit janë angazhuar njësitë policore, zjarrfikësit dhe strukturat emergjente. Transporti i organizuar me autobusë nga të gjitha komunat do të lehtësojë ardhjen e qytetarëve në kryeqytet.
Përditësime
Sheshi Skënderbeu në Prishtinë përgatitet për marshin "Drejtësi, jo politikë" në 18-vjetorin e pavarësisë së Kosovës.
- Në Hagë, dje u mbajt dita e 6-të e deklaratave përmbyllëse kundër katërshesë së UÇK-së: mbrojtja deklaroi mungesë provash, ndërsa prokuroria kërkoi gjetje fajtorie.
- Seancat vazhdojnë nesër, pastaj kalojnë te trupi gjykues.