Një automjet u përfshi nga flakët në orët e para të mëngjesit të së dielës, 8 mars 2026, në fshatin Ravonik të qarkut të Korçës.
Ngjarja ndodhi rreth orës 01:00. Pas njoftimit, në vendngjarje mbërritën forcat zjarrfikëse, të cilat arritën të shuajnë flakët.
Sipas pamjeve nga vendi i ngjarjes, automjeti u djeg plotësisht, duke pësuar dëme të mëdha materiale.
Policia e Korçës ka nisur hetimet për të zbardhur rrethanat, për të përcaktuar shkaqet e zjarrit dhe për të sqaruar detajet e incidentit.