Një ekip televiziv i rrjetit francez M6 u përfshi në një incident gjatë një lidhjeje të drejtpërdrejtë nga zona Cap-Ferret, pranë Bordeaux, ku po raportohej për zjarret masive në rajonin e Gironde. Një bombol gazi e braktisur në zonën e përfshirë nga flakët shpërtheu vetëm pak metra larg gazetares, duke shkaktuar një re tymi dhe valë goditëse.
Pas shpërthimit, transmetimi u ndërpre menjëherë për të garantuar sigurinë e ekipit, i cili fatmirësisht doli pa lëndime nga kjo ngjarje. Pamjet e regjistruara nga kamera nxjerrin në pah vështirësitë dhe rreziqet në terren për gazetarët dhe zjarrfikësit.
Situata në jugperëndim të Francës mbetet alarmante për shkak të temperaturave të larta dhe erërave të forta, të cilat po vështirësojnë punën e mbi 2 mijë zjarrfikësve. Deri më tani, zjarret kanë shkaktuar evakuimin e më shumë se 36 mijë banorëve dhe turistëve, ndërsa sipërfaqja e djegur ka tejkaluar 190 mijë hektarë pyje.