Një shpërthim i fuqishëm, i pasuar nga një zjarr i madh, u regjistrua të enjten në qytetin qendror të Utrechtit në Holandë, duke lënë të paktën një person të plagosur, sipas autoriteteve lokale.
Agjencia lokale e lajmeve ANP, duke cituar një përfaqësues të shërbimit zjarrfikës, raportoi për një “shpërthim gjigant”. Deri tani nuk dihet shkaku i incidentit.
Autoritetet nuk kanë konfirmuar nëse ka viktima të tjera. Ato u kanë bërë thirrje banorëve të largohen nga zona për arsye sigurie.
Në vendngjarje janë angazhuar forca të shumta të zjarrfikëses dhe shërbimeve të emergjencës.