West Bengal i Indisë përballet me një shpërthim të virusit Nipah, ku pesë punëtorë shëndetësorë janë konfirmuar të infektuar në një spital privat në qytetin Barasat. Pacientët janë transferuar në një spital sëmundjesh infektive në Kolkata, ndërsa rreth 110 njerëz në kontakt me ta janë vendosur në izolim.
Shpërthimi ka nxitur shqetësime në Azie. Tajlanda ka shtuar kontrollet për pasagjerët nga West Bengal, ndërsa Nepali ka forcuar verifikimet në aeroportin e Katmandut dhe pikat kufitare me Indinë.
Çfarë është virusi Nipah?
Virusi Nipah është zoonotik dhe transmetohet nga lakuriqët e frutave dhe derrat te njerëzit, si dhe përmes ushqimit të kontaminuar ose kontaktit direkt me lëngjet trupore të të infektuarve. Organizata Botërore e Shëndetësisë e rendit midis dhjetë sëmundjeve prioritarë për shkak të potencialit epidemik, krahas Covid-19 dhe Zika. Periudha e inkubacionit zgjat nga 4 deri në 14 ditë.
Simptomat dhe rreziku
Simptomat fillestare përfshijnë ethe, kokëdhimbje, dhimbje muskujsh, vjellje dhe dhimbje fyti. Në raste të rënda zhvillohet pneumoni ose inflamacion i trurit (encefalit), me konfuzion, përgjumje dhe kriza. Shkalla e vdekshmërisë arrin 40-75 për qind, pasi nuk ekzistojnë vaksinë ose ilaçe të miratuara.
Historia e shpërthimeve
Virusi u identifikua për herë të parë në vitin 1998 në Malajzi mes fermerëve të derrave dhe u përhap në Singapor, duke shkaktuar mbi 100 vdekje dhe therjen e mbi 1 milion derrave.
Përditësime
Tajlanda ka shtuar skanimin në tre aeroportet kryesore për fluturimet nga West Bengal, Indi.
Tajvani po shqyrton klasifikimin e virusit Nipah si "sëmundje emergjente me rrezik të lartë".
Shpërthimet e mëparshme të Nipah janë regjistruar në Bangladesh (që nga 2001) dhe Kerala, Indi.
Ministria e Shëndetësisë e Indisë konfirmoi vetëm 2 raste Nipah që nga dhjetori (në vend të 5 të raportuara më herët).
Autoritetet gjurmuan 196 kontakte negative (në vend të 110 personave në izolim).
Pasagjerët nga West Bengal drejt Tajlandës duhet të paraqesin deklarata shëndetësore.
Vendet aziatike ashpërsojnë masat kufitare ndaj udhëtarëve nga India për shkak të virusit Nipah.
- Vietnami nis kontrolle shtesë për pasagjerët nga India.
- Indonezia forcon kontrollet në aeroporte me matje temperature dhe deklarata shëndetësore.
- Mianmari këshillon shmangien e udhëtimeve jo të domosdoshme drejt Bengalit Perëndimor.
- Kina rrit masat e parandalimit në zonat kufitare.
Autoritetet indiane mohojnë raportimet për rritje të rasteve, duke i cilësuar ato si spekulative dhe të pabaza.
- Malajzia ka vendosur kontrolle të shtuara në aeroporte për shkak të dy rasteve të virusit Nipah në Indi.
- CEPI raporton 750 raste dhe 415 vdekje kumulative të Nipah që nga dhjetori.