Një operacion shpëtimi është zhvilluar ditën e sotme, më 31 korrik 2026, në lumin Devoll, pasi një mjet bujqësor mbeti i bllokuar në rrjedhën e tij. Ngjarja ndodhi në vendin e njohur si “Bishti i Nartës”, ku një traktor u rrethua nga uji për shkak të prurjeve të papritura.
Ekipet e Shërbimit Zjarrfikës të Gramshit mbërritën menjëherë në vendngjarje pas marrjes së njoftimit. Sipas të dhënave zyrtare, traktori ishte zhytur deri në lartësinë e kabinës, duke vënë në rrezik serioz jetën e tre personave që ndodheshin brenda. Falë ndërhyrjes së shpejtë të efektivëve, u bë e mundur shpëtimi i të moshuarit, nipit të tij dhe drejtuesit të mjetit, të cilët u nxorën të sigurt nga zona e rrezikut.
Pas përfundimit të operacionit, autoritetet vendore përsëritën thirrjen për kujdes të shtuar. Shërbimi Zjarrfikës nënvizoi se hyrja në lumin Devoll është tepër e rrezikshme për shkak të shkarkimeve dhe prurjeve të menjëhershme që vijnë nga diga e Moglicës. Banorët janë porositur të respektojnë në çdo kohë tabelat dhe sinjalistikën paralajmëruese të vendosura përgjatë shtratit të lumit për të shmangur ngjarje të ngjashme në të ardhmen.