Qeveria shqiptare ka zyrtarizuar bashkëpunimin me gjigantin italian të energjisë Eni S.p.A., përmes nënshkrimit të një Memorandumi të Mirëkuptimit. Marrëveshja u finalizua në një ceremoni në një ceremoni në Tiranë, ku morën pjesë Kryeministri Edi Rama, ministrja e Ekonomisë, Kulturës dhe Inovacionit Delina Ibrahimaj dhe ministri i Infrastrukturës dhe Energjisë Enea Karakaçi.
Sipas dokumentit, palët do të ndërmarrin një studim fizibiliteti për krijimin e kapaciteteve kombëtare të furnizimit dhe magazinimit të produkteve të naftës dhe gazit. Ky proces shihet si një hap drejt forcimit të sigurisë energjetike dhe rritjes së konkurrueshmërisë së ekonomisë shqiptare në rajon. Kryeministri Rama theksoi se operatori i ri do të shërbejë si rregullator në treg dhe do të sigurojë rezervat strategjike të vendit, duke eliminuar dilemat në kohë krize.
Ministrja Ibrahimaj bëri të ditur se brenda 3 muajve pritet të përfundohen vlerësimet teknike, ligjore dhe financiare për ngritjen e kompanisë së re. Qëllimi është që shteti shqiptar të krijojë një entitet fitimprurës që shfrytëzon kapacitetet shtetërore për të rritur të ardhurat ekonomike. Po ashtu, pritet që regjistrimi i kësaj kompanie të realizohet përpara muajit gusht, siç theksoi kreu i qeverisë.
Ministri Karakaçi vlerësoi bashkëpunimin me një prej kompanive më të mëdha europiane si një element kyç për strategjinë afatgjatë të vendit në kushtet e zhvillimeve gjeopolitike aktuale, duke shtuar se Shqipëria vijon punën për diversifikimin e burimeve energjetike.
Përditësime
Ministri i Energjisë, Belind Karakaçi, njoftoi finalizimin e projektligjit për rezervat strategjike të naftës, i cili synon krijimin e një 'HUB-i Kombëtar' për produktet energjetike. Kryeministri Edi Rama deklaroi se ky projekt, pjesë e strategjisë së qeverisë, u përshpejtua për t’iu përgjigjur paqëndrueshmërisë së tregut ndaj krizës energjetike. Subjekti i ri do të shërbejë si rregullator për garantimin e sigurisë së rezervave, duke tejkaluar funksionin e një operatori të thjeshtë tregtimi.