Kombëtarja shqiptare e futsallit do të nisë më 6 nëntor ndeshjet e fazës “Main Round” të kualifikueseve europiane për Kupën e Botës FIFA Futsal 2028. Ndeshja e parë do të jetë kundër Bjellorusisë, në orën 15:30, në sallën sportive të Humenné, në Sllovaki.
Shqipëria siguroi pjesëmarrjen në këtë fazë pas paraqitjes në raundin paraprak. Në Grupin 6, përveç Shqipërisë, janë Bjellorusia dhe Kazakistani.
Ndeshjet e “Main Round” do të zhvillohen me sistem vajtje-ardhje nga tetori 2026 deri në mars 2027. Në përfundim të fazës, fituesit e 12 grupeve dhe katër skuadrat më të mira të renditura në vendin e dytë do të kualifikohen drejtpërdrejt në “Elite Round”. Tetë skuadrat e tjera që renditen në vendin e dytë do të luajnë në ndeshjet shtesë të “Main Round”.