Kombëtarja shqiptare e futbollit për vajza nis rrugëtimin në kualifikueset e Kupës së Botës Brazil 2027. Skuadra ndodhet në grupin B4 të Ligës B bashkë me Çekinë, Uellsin dhe Malin e Zi.
Trajneri Armir Grima ka ftuar 24 futbolliste për dy ndeshjet e para të muajit mars. Ndër lojtaret e grumbulluara rikthehen pas disa kohësh Gresa Berisha, Marinela Mema dhe Endrina Elezaj. Gjithashtu, janë ftuar dy lojtare nga ekipet kombëtare të moshave: Xhesika Ndoj dhe Adela Valeria Qose.
Grumbullimi zyrtar fillon të martën, më 24 shkurt, në qytetin e Shkodrës. Ndeshja e parë luhet më 3 mars në orën 14:00 kundër Malit të Zi. Takimi i dytë zhvillohet më 7 mars në orën 18:00 ndaj Çekisë në stadiumin Loro Boriçi në Shkodër.
Pas ndeshjeve të grupit, kombëtarja mund të kualifikohet në fazën play-off nëse renditet në vendin e parë, të dytë ose të tretë në grupin B4.