Kombëtarja e vajzave ka nisur zyrtarisht përgatitjet për dy ndeshjet e fundit kualifikuese të Botërorit 2027. Nën drejtimin e trajnerit Armir Grima, ekipi kuqezi është grumbulluar në qytetin e Shkodrës, ku ka zhvilluar seancën e parë stërvitore, duke u përqendruar te përgatitja fizike dhe koordinimi i grupit.
Në stërvitjen e parë, grupi nuk ishte i plotë për shkak të angazhimit të disa futbollisteve në finalen e kampionatit kombëtar mes Vllaznisë dhe Apolonisë. Megjithatë, pritet që skuadra të kompletohet gjatë mbrëmjes, për të vijuar nga dita e nesërme me përgatitjet e plota.
Kalendari i takimeve:
• 5 qershor: Çeki – Shqipëri, ora 17:30 (në transfertë).
• 9 qershor: Shqipëri – Mal i Zi, ora 19:00 (në stadiumin “Loro Boriçi”).