Pas fitores në transfertë ndaj Malit të Zi, Kombëtarja e vajzave të Shqipërisë ka nisur përgatitjet për ndeshjen e dytë kualifikuese për Botërorin 2027 kundër Çekisë. Kjo ndeshje zhvillohet më 7 mars në orën 18:00 në Stadiumin Loro Boriçi në Shkodër.
Futbollistet që luajtën në takimin kundër Malit të Zi zhvilluan punë rikuperuese dhe pushim, ndërsa pjesa tjetër e skuadrës kreu një seancë stërvitore të rregullt. Gjendja fizike e lojtares paraqitet e mirë, pa shqetësime për dëmtime.
Në pasditen e 5 marsit, trajneri Armir Grima drejtoi një seancë të fokusuar në aspektin taktik dhe vendosjen në fushë, me grupin e plotë në dispozicion. Skuadra do të zhvillojë edhe seancën zyrtare stërvitore në Stadiumin Loro Boriçi.
Hyrja për tifozët në ndeshjen Shqipëri – Çeki është falas. Takimi transmetohet drejtpërdrejt në FSHF TV.