Kombëtarja shqiptare e vajzave në futboll mbylli pasditen e sotme përgatitjet në Shkodër, në kuadër të ndeshjes së parë të kualifikueseve për Kupën e Botës 2027 ndaj Mali i Zi. Sfidë zhvillohet më 3 mars në Nikshiq.
Skuadra zhvilloi seancën e fundit stërvitore në stadionin "Loro Boriçi", nën drejtimin e trajnerit Armir Grima dhe stafit teknik kuqezi. Seanca nisi me ushtrime nxehjeje dhe vijoi me përgatitje taktike në fushë, ku stafi testoi dhe përmirësoi detaje loje në prag të ndeshjes.
E gjithë skuadra gëzon formë të mirë fizike e shëndetësore. Kuqezat udhëtojnë nesër drejt Podgoricës dhe zhvillojnë seancën zyrtare stërvitore në stadionin e Nikshiqit.
Ndeshja Mali i Zi – Shqipëri luhet më 3 mars, ora 14:00, dhe transmetohet drejtpërdrejt në FSHF TV. Përfaqësuesja shqiptare synon të nisë me rezultat pozitiv fushatën kualifikuese ndaj përfaqësueses malazeze.