Komuniteti shqiptar në Shtetet e Bashkuara të Amerikës ka organizuar sot një protestë në qytetin e Austin-it, në Teksas, në mbështetje të ish-drejtuesve të Ushtrisë Çlirimtare të Kosovës. Tubimi, i cili ka nisur në orën 13:00 sipas kohës lokale, po zhvillohet përpara ndërtesës së Kapitolit të Teksasit. Pjesëmarrësit kanë shprehur kërkesat e tyre për një gjykim të drejtë dhe transparent, duke kundërshtuar atë që e cilësojnë si ndjekje politike ndaj ish-udhëheqësve të UÇK-së.
Kjo protestë pason vendimin e Dhomave të Specializuara të Kosovës në Hagë të marrë më 16 shtator 2026. Sipas këtij aktgjykimi, Hashim Thaçi dhe Jakup Krasniqi janë dënuar me nga 25 vjet burgim, Kadri Veseli me 18 vjet, ndërsa Rexhep Selimi me 13 vjet. Në mbështetje të kësaj nisme janë angazhuar edhe pjesëtarë të diasporës që jetojnë në Houston, të cilët kanë udhëtuar drejt kryeqytetit të Teksasit për të marrë pjesë në aktivitet. Nisma ka gjetur përkrahje edhe nga komuniteti shqiptar në Bavari, Gjermani, të cilët i janë bashkuar thirrjeve të lëvizjes “LIRIA KA EMËR”.
Më herët, kongresisti amerikan nga Teksasi, Keith Self, kishte shprehur shqetësimin mbi mundësinë e anshmërisë politike në këtë proces gjyqësor, duke nënvizuar rolin e krerëve të UÇK-së në luftën për pavarësi.