Argjent Dedja, 24 vjeç shqiptar, u dënua me 12 muaj burg nga gjykata në South Cumbria për përfshirje në prodhimin e kanabisit në një banesë në Barrow, Angli. Banesa, e njohur si "ështepi bari", kishte vlerë rreth 100 mijë paund dhe ishte përshtatur plotësisht për këtë aktivitet.
Sipas autoriteteve britanike, policia gjeti 196 bimë kanabisi, nga të cilat rreth 100 ishin të pjekura, në një shtëpi me katër dhoma. Banesa kishte sistem ventilimi, ndriçim special, lidhje të paligjshme energjie dhe dritaret e mbuluara për të fshehur operacionin industrial.
Policia ndërhyri pas një kontrolli dhe e kapën Dedjën duke u larguar gjysmë të zhveshur nga shtëpia, në drejtim të një shkolle fillore pranë. Para hetuesve, ai deklaroi se kishte mbërritur në Barrow nga Londra vetëm një ditë para arrestimit dhe se nuk kishte dijeni për kanabisin. Ai pretendoi se kishte akses vetëm në dhomën e gjumit, kuzhinë dhe banjo.
Dedja pranoi hyrjen ilegale në Britani duke paguar 10 mijë euro një grupi smuggluesish për udhëtimin nga Shqipëria përmes Italisë dhe Francës, deri atje me gomone. Prokuroria vlerësoi rolin e tij si më të vogël, por pjesë të një aktiviteti të mirëorganizuar për prodhim droge me qëllim fitimi.
Mbrojtja theksoi mungesën e precedentëve penalë dhe qëndrimin e shkurtër në banesë. Gjykata vendosi dënim të menjëhershëm, duke argumentuar se ekziston rreziku i përsëritjes së aktiviteteve kriminale. Përveç burgut, ai do të paguajë 400 paund kosto gjyqësore dhe 187 paund shtesë.
Policia konfirmoi konfiskimin dhe asgjësimin e kanabisit dhe pajisjeve. Mediat e kanë quajtur rastin sinjal alarmi për përfshirjen e shqiptarëve në kultivimin e kanabisit në Britani, shpesh të lidhur me rrjete trafikimi dhe borxhe ndaj grupeve kriminale.