Një shtetase e huaj u gjet e vdekur në shtëpinë e saj në Pejë më 27 mars 2026.
Sipas raportit 24-orësh të Policisë, ngjarja u raportua rreth orës 08:20. Në vendin e ngjarjes mbërritën njësitë policore dhe ekipi mjekësor, të cilët konstatuan vdekjen e saj.
Me urdhër të prokurorit, trupi i pajetë u dërgua në Institutin e Mjekësisë Ligjore për obduksion, me qëllim të përcaktimit të shkaqeve të vdekjes. Policia e ka iniciuar rastin si vdekje të dyshimtë dhe vazhdon hetimet nga organet kompetente.