Gjatë ditës së sotme është vërejtur një rritje e fluksit të automjeteve në disa pika kufitare të Kosovës, si pasojë e shtimit të lëvizjeve. Sipas të dhënave të Qendrës Kombëtare për Menaxhim Kufitar, pika kufitare Dheu i Bardhë paraqet ngarkesën më të madhe, ku qytetarët që hyjnë në territorin e Kosovës po presin deri në 50 minuta, me kolona që arrijnë gjatësinë 70 deri në 80 metra.
Ngarkesë është raportuar edhe në pika të tjera kufitare:
- Hani i Elezit: pritje deri në 20 minuta, me kolonë rreth 100 metra.
- Muçibabë: pritje deri në 20 minuta, me kolonë rreth 300 metra.
- Jarinjë: pritje nga 15 deri në 20 minuta.
- Vërmicë: pritje nga 5 deri në 15 minuta, me kolonë rreth 60 metra.
- Merdarë dhe Kullë: pritje nga 10 deri në 15 minuta.
Në vendkalimet e tjera, si Bërnjak, Mutivodë, Stançiq, Qafë e Morinës dhe Qafë e Prushit, qarkullimi zhvillohet me vonesa minimale, që variojnë nga 1 deri në 10 minuta. Për daljet nga Kosova, situata paraqitet më e qetë në shumicën e pikave, me pritje që rrallë kalojnë 10 minutat. Sa u përket automjeteve të rënda, autoritetet nuk kanë raportuar kolona apo vonesa të konsiderueshme në asnjë prej pikave kufitare.
Përditësime
Shtohen pritjet për hyrje në Kosovë, duke shkaktuar vështirësi të theksuara për udhëtarët në disa pika kufitare:
- Muçibaba: Pritje deri në 500 minuta.
- Hani i Elezit: Pritje deri në 100 minuta.
- Dheu i Bardhë: Kolona prej 700 metrash, me kohë pritjeje 35-40 minuta.
Fluksi i lartë i automjeteve ka shkaktuar pritje të zgjatura në pikën kufitare të Dheut të Bardhë, ku hyrja në Kosovë po zgjat deri në 90 minuta, me kolona që arrijnë 1200 metra. Sipas të dhënave të Qendrës Kombëtare për Menaxhim Kufitar, situata në pikat e tjera paraqitet si më poshtë:
- Dheu i Bardhë (dalje): Pritje deri në 35 minuta dhe kolona 550 metra.
- Muçibabë: Pritje për hyrje 5 minuta, ndërsa për dalje 30 minuta.
- Hani i Elezit: Qarkullim i stabilizuar me 10 minuta pritje në të dy drejtimet.
Pritjet për hyrje në Kosovë janë shtuar, me vonesat më të theksuara në pikën kufitare Dheu i Bardhë, ku qytetarët presin deri në 2 orë, sipas të dhënave të orës 15:32. Te pika kufitare Muçibabë, pritjet janë 40 minuta, ndërsa në Jarinjë, Merdarë, Kullë dhe Hani i Elezit, situata është stabilizuar me pritje deri në 15 minuta.
Qendra Kombëtare për Menaxhim Kufitar njoftoi se fluksi i udhëtarëve ka shënuar rënie. Pritjet në pikën kufitare Dheu i Bardhë janë reduktuar në 40 minuta për hyrje dhe 30 minuta për dalje, ndërsa kolonat janë shkurtuar përkatësisht në 500 metra dhe 300 metra. Në pikën e Muçibabës, vonesat kanë zbritur në 10 minuta. Qarkullimi i automjeteve të rënda aktualisht po zhvillohet pa kolona, me pritje që variojnë nga 3 deri në 5 minuta në të gjitha pikat kufitare.