Gjyqtari slloven Slavko Vincic është emëruar zyrtarisht për të drejtuar finalen e Kupës së Botës, vendim i cili i është komunikuar nga presidenti i Komitetit të Arbitrimit të FIFA-s, Pierluigi Collina. Kjo sfidë, që për 46-vjeçarin përfaqëson kulmin e karrierës, do të vë përballë Spanjën dhe Argjentinën të dielën, në orën 21:00, në stadiumin MetLife në New York.
Në këtë detyrë, Vincic do të asistohet nga Tomaz Klancnik dhe Andraz Kovacic. Ndonëse FIFA nuk i ka bërë publike zyrtarisht të dhënat financiare, sipas gazetës sllovene Delo, përfitimet për këtë finale përllogariten në afërsisht 60,000 dollarë (52,500 euro).
Struktura e të ardhurave për gjyqtarët në këtë turne përfshin:
• Tarifë fikse prej 70,000 dollarësh (61,200 euro) për pjesëmarrje.
• 3,000 dollarë për çdo ndeshje të fazës së grupeve.
• Mbi 5,000 dollarë për çdo ndeshje të fazës eliminatore.
Bazuar në këto përllogaritje, fitimet totale të Vincic për të gjithë turneun vlerësohen në rreth 140,000 dollarë (120,000 euro), shifër e cila mbetet e varur nga bonuset dhe përllogaritjet përfundimtare të FIFA-s.
Përditësime
Gjyqtari Slavko Vinçiq ka marrë zyrtarisht detyrën për drejtimin e finales së Kupës së Botës, vendim i cili iu komunikua nga Pierluigi Collina, kreu i komisionit të gjyqtarëve në FIFA.