Përfaqësuesja e Sllovakisë ka publikuar listën e futbollistëve për ndeshjen gjysmëfinale të play-off-it kualifikues për Kupën e Botës 2026, kundër Kosovës. Ndeshja zhvillohet më 26 mars në Stadiumin Nacional të Bratislavës.
Trajneri Francesco Calzona ka grumbulluar 27 lojtarë. Ndër emrat e rëndësishëm janë mbrojtësit Milan Škriniar dhe Dávid Hancko, si dhe mesfushori Stanislav Lobotka.
Škriniar, kapiten i ekipit, u lëndua më 19 shkurt gjatë ndeshjes së Fenerbahçe-s kundër Nottingham Forest-it në play-off-in e Ligës së Evropës. Që nga ajo kohë nuk ka luajtur, por raportimet tregojnë se ka gjasa të paraqitet ndaj Kosovës.
Lobotka, lojtari me përvojë, është në dyshim për këtë takim.
Ky play-off përcakton kualifikimin për turneun final në SHBA, Meksikë dhe Kanadë.