Sllovenia po përgatit një projektligj që synon të ndalojë përdorimin e rrjeteve sociale nga fëmijët dhe adoleshentët nën 15 vjeç. Lajmin e bëri të ditur zëvendëskryeministri Matej Arkon pas një mbledhjeje të kabinetit, duke theksuar se masa synon mbrojtjen e të miturve nga varësia, ndikimi në shëndetin mendor dhe përmbajtjet e papërshtatshme.
Iniciativa është marrë nga Ministria e Arsimit, me mbështetjen e ekspertëve të arsimit dhe teknologjisë digjitale, si dhe bazuar në përvojat e vendeve të tjera. Projektligji do të zbatohet ndaj platformave kryesore si TikTok, Snapchat dhe Instagram.
Sllovenia, me një popullsi prej rreth 2 milionë banorësh, ndjek tendencën evropiane. Spanja ka propozuar ndalim për nën 16 vjeç, ndërsa Australia u bë vendi i parë që miratoi një masë të tillë në dhjetor për të njëjtën moshë. Britania e Madhe dhe Franca po shqyrtojnë rregulla më të ashpra.
Sipas një burimi, Greqia është e afërt me njoftimin e një ndalimi për fëmijët nën 15 vjeç.
Përditësime
Zëvendëskryeministri Matej Arcon deklaroi të enjten në konferencë shtypi, pas seancës qeveritare: “Kjo ka qenë një temë e nxehtë në të gjithë botën dhe në Evropë në javët dhe muajt e fundit, dhe me këtë, ne si qeveri po tregojmë se kujdesemi për fëmijët tanë”.
- Spanja dhe Greqia propozuan këtë javë ndalime të rrjeteve sociale për të mitur.