Bashkim Smakaj dhe Fadil Fazliu u liruan më 10 shkurt 2026 me kusht nga Dhomat e Specializuara në Hagë, sipas vendimeve të publikuara.
Vendimet e gjykatësit të datës 3 shkurt 2026 konstatuan se rrethanat kishin ndryshuar që nga rishikimi i paraburgimit në dhjetor 2025, dhe mbajtja në paraburgim nuk ishte më e aryseshme apo proporcionale.
Për lirimin me kusht, Smakaj ofroi garanci totale prej 50 mijë eurosh: 20 mijë euro nga familja e tij dhe 30 mijë euro nga një person me identitet të redaktuar. Mbrojtja paraqiti edhe informacion mbi disponueshmërinë e menjëhershme të mjeteve financiare.
Fazliu ofroi 40 mijë euro nga një person tjetër me identitet të redaktuar. Mbrojtja argumentoi se kjo shumë është shumëfish më e madhe se pasuria totale e tij dhe forcon respektimin e kushteve.
Gjithashtu u lirua me kusht Haxhi Shala.
Të akuzuarit nuk kanë të drejtë të largohen nga Kosova, duhet të bëjnë paraqitje të rregullta dhe të zbatojnë kushtet e përcaktuara nga gjykata.