JavaNews angazhoi sondazhistin Eduard Zaloshnja për të matur opinionin e shqiptarëve rreth zhvillimeve të fundit ndërkombëtare në lidhje me Shqipërinë dhe rolin e dy politikanëve kryesorë.
Sipas rezultateve, 80.1% e të anketuarve mendojnë se Edi Rama gëzon mbështetjen më të madhe politike në hapësirën amerikano-europiane. Vetëm 10.2% mendojnë se këtë mbështetje e ka Sali Berisha, ndërsa 9.7% janë të dyzuar.
Sondazhi u zhvillua duke shpërndarë linkun e pyetësorit me SMS rastësore në të gjithë territorin e vendit. Të anketuarit e plotësuan në mënyrë anonime.
Kampioni përfshiu 1187 të anketuar, të ripeshuar statistikisht për të përfaqësuar rreth 1.9 milionë banorë të rritur të vendit, sipas shpërndarjes gjeografike, demografike dhe politike. Marzhi maksimal i gabimit statistikor është +/-2.7%.
Në shënim specifikohet se:
• Tek 10.2%-shi mbizotërojnë të anketuar që votuan për PD-ASHM më 11 maj 2025.
• Tek 80.1%-shi ka një përzierje votuesish të të gjitha partive, si dhe mosvotuesish.
• Tek 9.7%-shi mbizotërojnë votues të partive të tjera opozitare në zgjedhjet e 11 majit 2025.
Sondazhi u publikua më 19 shkurt 2026 nga media si Gazeta Tema, Koha Jone, JavaNews dhe Shqiptarja.com.