Eduard Zaloshnja publikoi rezultatet e një sondazhi elektronik të zhvilluar më 25 shkurt 2026, të cilin e dërgoi me SMS njëherazi pothuaj 20 mijë banorëve të rastësishëm të rritur në Shqipëri. Ky është sondazhi i parë me shpërndarje të njëkohshme, me marzh gabimi statistikor +/-1%, falë numrit të lartë të pjesëmarrësve me karakteristika të ndryshme demografike, gjeografike, arsimore dhe politike. Pjesëmarrësit plotësuan pyetësorin në mënyrë anonime.
Pyetja kryesore ishte: «Për kë keni aktualisht opinionin më pozitiv, Ramen, Berishën, apo asnjërin nga të dy?»
40% e të anketuarve deklaruan opinionin më pozitiv për Edi Ramën, 19.2% për Sali Berishën, ndërsa 40.8% thanë se nuk kanë opinion pozitiv për asnjërin.
Duke i shndërruar përqindjet në numra të popullsisë së rritur, rezultuan 760 mijë për Ramën, 365 mijë për Berishën dhe 775 mijë për asnjërin.
Zaloshnja thekson se në 13 vjetët e fundit ka zhvilluar 126 sondazhe të ngjashme, por me shpërndarje rrotacionale të linkeve për të shpërndarë koston e SMS-ve.
Krahasime me sondazhe të mëparshëm dhe zgjedhje
Sipas sondazhit të parafundit, rreth 700 mijë ishin gati për të votuar PS-në, rreth 380 mijë për PD-ASHM, rreth 75 mijë për të tjerat dhe rreth 745 mijë për asnjë parti. Në zgjedhjet e 11 maj 2025, rreth 760 mijë zgjedhës brenda vendit votuan për PS-në, rreth 500 mijë për PD-ASHM, rreth 200 mijë për partitë e tjera dhe rreth 440 mijë nuk votuan.