Sot, në orën 17:00, do të përcillet për në banesën e fundit futbollisti Fatjon Bunjaku. Ceremonia e varrimit do të mbahet në varrezat e fshatit Samadrexhë të Vushtrrisë, siç është bërë e ditur përmes një njoftimi të publikuar nga faqja e fshatit në rrjetin social Facebook.
I ndjeri, i cili ishte vetëm 22 vjeç, humbi jetën si pasojë e një vetaksidenti të ndodhur në rrugën Mitrovicë-Prishtinë. Fatjon Bunjaku ishte pjesë e klubit AF Elbasani, ndërsa gjatë karrierës së tij sportive kishte përfaqësuar edhe Përfaqësuesen e Kosovës U-21.