Prokuroria e Posaçme kundër Korrupsionit dhe Krimit të Organizuar (SPAK) ka finalizuar më 15 prill 2026 një operacion kompleks, në kuadër të procedimit penal nr. 153 të vitit 2023, kundër një grupi të strukturuar kriminal të përfshirë në trafikun ndërkombëtar të lëndëve narkotike dhe pastrimin e produkteve të veprës penale.
Operacioni u zhvillua në bashkëpunim me Eurojust, Europol dhe autoritetet ligjzbatuese në Francë, Holandë dhe Mbretërinë e Bashkuar. Hetuesit e Byrosë Kombëtare të Hetimit (BKH) dhe Drejtoria e Përgjithshme e Policisë së Shtetit kanë zbatur masat e sigurisë ndaj të arrestuarve dhe vazhdojnë për të tjerët.
Më 14 prill 2026, Gjykata e Posaçme kundër Korrupsionit dhe Krimit të Organizuar (GJKKO) caktoi masën "arrest në burg" ndaj 11 shtetasve shqiptarë. Janë arrestuar Florian Marku (20.2.1992), Lulzim Pepaj (06.7.1974) dhe Anton Kola (19.6.1993). Vazhdojnë operacionet për të tjerët, disa prej të cilëve nuk ndodhen në Shqipëri.
Janë sekuestruar pasuri me vlerë 12 milionë euro, përfshirë 60 pasuri të paluajtshme (tokë arë, truall, hotel, apartamente, poste parkimi në Tiranë, Kamëz, Lezhë, Shëngjin, Sarandë, Himarë), 89 automjete dhe 72 llogari bankare.
Tetë episodet e dokumentuara të trafikimit (2019-2021)
- Episodi 1 (janar-mars 2020): Një sasë të konsiderueshme kokaine; sekuestruar 8,5 kg në Amsterdam më 21.3.2020.
- Episodi 2 (7-8 prill 2020): 1018 kg nga Peruja në portin e Roterdamit, fshehur në lëng frutash të ngrira; vlerë shitjeje mbi 1,3 milionë euro.
- Episodi 3 (6 qershor 2020): 2020 kg nga Ekuadori (Guayaquil) në Roterdam, pjesë për grupin, destinacion Hungari.
- Episodi 4 (26 qershor 2020): Tentativë 516 kg nga Peruja (Callao) drejt Holandës.
- Episodi 5 (30 qershor 2020): 500 kg nga Kolumbia në Roterdam, në konserva peshk ton, destinacion Gjermani.
- Episodi 6 (7 gusht 2020): Rreth 1600 kg; sekuestruar 104 kg në autostradën A2 pranë Abcoude.
- Episodi 7 (16 gusht 2020): 1238 kg (1100 pako) nga Ekuadori në Roterdam, në banane.
- Episodi 8 (2 tetor 2020): 530 kg në Roterdam.
Totali i trafikuar arrin rreth 7,5 tonë kokaine nga Amerika Latine drejt Evropës.
Përditësime
GJKKO mori vendimin nr. 273, datë 14.04.2026, për sekuestrimin e 232 pasurive të luajtshme dhe të paluajtshme.
Gjykata konfirmoi vendimin nr. 20, datë 14.04.2026, për masat e sigurimit sipas nenit 238 të KPP.
Detaje të reja në episode:
- 516 kg kokainë e sekuestruar në Peru (Ep. 4);
- 1.238,39 kg e fshehur në banane (Ep. 7);
- 531 kg në rrush të thatë (Ep. 8).