SPAK ka sekuestruar të ardhurat e paligjshme të Mirlinda Karçanaj, ish-drejtoreshë e Agjencisë Kombëtare të Shoqërisë së Informacionit (AKSHI), të cilat dyshohet se janë përfituar në formë korruptive.
Emisioni "Në Shënjestër", me autore Klodiana Lalën, ka publikuar detaje nga aksioni i SPAK-ut. Sipas organit të lartë të akuzës, ekzistojnë dyshime të arsyesme të bazuara në prova se Karçanaj ka përfituar në mënyrë indirekte nga Arjola Koromani, nëpërmjet Daniel Shimës, shumën prej 200 mijë eurosh.
Sipas SPAK-ut, Karçanaj ka marrë në disa raste kuti vere të mbushura me kartëmonedha euro me prerje 100, 200 dhe 500 euro, si dhe ka përfituar nga persona të tjerë të lidhur me shtetasit Ermal Beqiri dhe Ergys Agasi.
Ndër pasuritë e sekuestruara përmenden 3 pasuri të paluajtshme: dy në Tiranë dhe një në Qerret. Këto dyshohet se janë blerë me qëllim favorizimin e kompanisë Soft$Solution dhe të kompanive të tjera në procedurat e prokurimit të zhvilluara nga AKSHI gjatë kohës kur Karçanaj e drejtonte atë.
Përditësime
SPAK sekuestroi arka me verë dhe shampanjë në Equos Resort, me vlerë rreth 950 mijë euro.
- SPAK gjeti një faturë në vilën e Agasit për pije alkoolike me vlerë të lartë.
- Zbuluan skemën e EA Solution, që lëshon fatura të larta ndaj kompanive Fastech, First, AESS dhe Soft & Solution për të fshehur ryshfetet.