Prokuroria e Posaçme kundër Korrupsionit dhe Krimit të Organizuar (SPAK) ka vendosur të zgjasë me tre muaj hetimet ndaj Belinda Ballukut, ish-ministres së Infrastrukturës dhe Energjisë. Vendimi është komunikuar nga prokurori i posaçëm Dritan Prençi avokatit të saj.
Balluku mban aktualisht mandatin e deputetes në Kuvendin e Shqipërisë, pasi është pezulluar nga funksionet ekzekutive. Më parë, SPAK kërkoi heqjen e imunitetit dhe arrestimin e saj, por mazhoranca parlamentare nuk e miratoi këtë kërkesë.
Ajo është e pandehur për veprën penale të shkeljes së barazisë së pjesëmarrësve në tendera apo ankande publike, në lidhje me tenderin për ndërtimin e tunelit të Llogarasë me vlerë 190 milionë euro. Gjithashtu, është nën hetim për 7 lotet e Unazës së Madhe dhe 3 procedura të tjera tenderuese.
Zgjatem e hetimeve i është komunikuar gjithashtu Erald Elezit, ndërsa pritet t’i njoftohet Gentian Gjylit. Arsyetimi i SPAK-së është nevoja për më shumë kohë për veprime të tjera hetimore.