Ditën e enjte, Prokuroria e Posaçme kundër Korrupsionit dhe Krimit të Organizuar (SPAK), në bashkëpunim me Byronë Kombëtare të Hetimit (BKH), ka zhvilluar një operacion në bashkinë e Devollit, ku janë ushtruar kontrolle në disa banesa.
Sipas informacioneve, subjektet e hetimit janë:
- Devi Ago, ish-punonjës i Agjencisë së Mbikëqyrjes Policore (AMP) për rajonin e juglindjes, i cili ka dhënë dorëheqjen nga detyra pak kohë më parë.
- Klevis Hoxha, ish-drejtor i Policisë Bashkiake në këtë zonë.
Sipas burimeve, operacioni po zhvillohet për shkak të dyshimeve për elementë të veprës penale të shpërdorimit të detyrës. Ndërhyrja në banesën e Klevis Hoxhës dyshohet se lidhet me marrëdhëniet shoqërore që ai ka me ish-punonjësin e AMP-së, Devi Ago.
Institucionet e drejtësisë nuk kanë publikuar ende një njoftim zyrtar për gjetjet e këtij aksioni. Detajet mbi ecurinë e mëtejshme të hetimit pritet të bëhen të ditura në vijim.