Elisa Spiropali, Ministrja për Evropën dhe Punët e Jashtme, zhvilloi vizitë zyrtare në Kiev të Ukrainës, ku u nderua këtë të enjte nga Presidenti Volodymyr Zelensky me Urdhrin e Lartë të Princeshës Olga, Klasi I.
Gjatë vizitës, Spiropali zhvilloi takime me përfaqësues të lartë të shtetit ukrainas dhe vizitoi memorialet si dhe varrezat e martirëve të luftës.
Pas kthimit, ministrja ndau në Facebook imazhe nga vizita, duke shoqëruar me postimin e mëposhtëm:
Rrëfim i javës në imazhe.
Në Kievin që përballet çdo ditë me sulme barbare në mesin e këtij dimri të egër, gjatë vizitës sime zyrtare në Ukrainë pashë nga afër lodhjen në trupat dhe shpirtrat e njerëzve. Pashë fytyra luftëtarësh që mbajnë plagë të dukshme e të padukshme. Familje që jetojnë me mungesa. Prindër që jetojnë me frikën e çdo ditë. Fëmijë që rriten më shpejt se mosha e tyre.
Brenda kësaj dhimbjeje dhe qëndrese të paepur, u nderova nga Presidenti Volodymyr Zelensky me Urdhrin e Lartë të Princeshës Olga, Klasi I.
Ky nder dhe kujtim i paharrueshëm, ma shtojnë përulësinë dhe përgjegjësinë. Për të folur, për të vepruar dhe për të qëndruar çdo ditë në shërbim të vendit tim dhe të vlerave që na bashkojnë.
Postimi nxjerr në pah përshtypjet nga situata në Ukrainë dhe rëndësinë e nderimit.
Përditësime
Zyrtarët ukrainë falënderuan ministrën Elisa Spiropali dhe qeverinë shqiptare për mbështetjen ndaj Ukrainës, duke theksuar rëndësinë e saj në kohë sfiduese, sipas Java News.