Elisa Spiropali, ministre për Europën dhe Punët e Jashtme, zhvilloi një takim më 14 shkurt në Mynih me Gunther Krichbaum, Ministër i Shtetit për Evropën në Ministrinë e Jashtme Federale Gjermane. Biseda u mbajt në kuadër të Konferencës së Sigurisë.
Ambasada Gjermane në Tiranë njoftoi për takimin përmes një postimi në rrjetet sociale, ku ndau edhe pamje nga diskutimi. Sipas njoftimit, Gunther Krichbaum theksoi se shpejtësia e procesit të pranimit në BE, të bazuar në meritë, nuk varet nga afatet, por përcaktohet nga ritmi i reformave të Shqipërisë, para së gjithash në fushën e sundimit të ligjit. Rezultatet e transformimit përmes reformave duhet t'i sjellin dobi të gjithë anëtarëve të shoqërisë dhe të vlejnë në mënyrë të barabartë për të gjithë.
Gjermania shprehu mbështetjen për Shqipërinë në rrugën drejt anëtarësimit në BE. Njoftimi i plotë i Ambasadës Gjermane:
"Gunther Krichbaum, Ministër i Shtetit për Evropën në Ministrinë e Jashtme Federale, zhvilloi më 14 shkurt në Mynih një bisedë produktive me Ministren e Jashtme Elisa Spiropali, në kuadër të Konferencës së Sigurisë. Ai theksoi se shpejtësia e procesit të pranimit në BE të bazuar në meritë, nuk varet nga afatet, por përcaktohet nga ritmi i reformave të Shqipërisë, para së gjithash në fushën e sundimit të ligjit. Rezultatet e këtij transformimi duhet t'u sjellin dobi të gjithë anëtarëve të shoqërisë dhe të vlejnë në mënyrë të barabartë për të gjithë. Në rrugën e saj drejt BE-së Shqipëria mund të ketë besim në mbështjetjen e Gjermanisë."