Spitali i Përgjithshëm i Pejës ka apeluar qytetarët për kujdes në ushqyerje gjatë festës së Fitër Bajramit.
Në një njoftim në rrjetet sociale, spitali thekson se festat sjellin tryeza të pasura, por konsumimi i tepërt mund të ndikojë negativisht në shëndet. Pas periudhës së agjërimit, trupi kërkon balancë, prandaj ushqimi duhet shijuar me masë. Shëndeti varet nga zakonet e përditshme të ushqyerjes.
Rekomandimet kryesore përfshijnë:
- Shmangien e porcioneve të mëdha;
- Kufizimin e ëmbëlsirave dhe ushqimeve me yndyrë;
- Pirjen e mjaftueshëm uji gjatë ditës;
- Mbajtjen e aktivitetit fizik.