Stadiumi i Vorës do të hapë zyrtarisht dyert nesër, në prag të ndeshjes së javës së 20-të të kampionatit Abissnet Superiore mes Vorës dhe Partizanit. Pas përfundimit të punimeve të rikonstruksionit, skuadra e Vorës rikthehet në impiantin e saj për të zhvilluar ndeshjet e mbetura të këtij edicioni futbollistik.
Impianti, tashmë i transformuar në një strukturë moderne, i shtohet infrastrukturës së futbollit shqiptar si rezultat i bashkëpunimit mes Federatës së Futbollit dhe Bashkisë së Vorës. Ai është certifikuar si stadium i Kategorisë së 2-të, përmbush standardet e UEFA-s dhe është gati të presë ndeshje ndërkombëtare, sipas fazave të rregulloreve përkatëse.
Projekti i rikonstruksionit ka përfunduar me sukses dhe përfshin:
• Ndërtimin e tribunës së re qendrore;
• Rikonstruksionin e dhomave të zhveshjes;
• Përmirësimin e ambienteve për stafet teknike;
• Rregullimin e hapësirave të tjera funksionale.
Ky investim garanton kushte bashkëkohore dhe standarde të larta, duke kontribuar në zhvillimin e futbollit në vend.